Վերադառնալ ծրագրեր

UWC Dilijan և Դամֆրիս Հաուս

Scholae Mundi-ի և Շոտլանդիայի համանուն կալվածքում տեղակայված ուսումնական Դամֆրիս Հաուս կենտրոնի միջև համագործակցությունը ենթադրում է աջակցություն UWC Dilijan College-ի և Դամֆրիս Հաուսի համատեղ կրթական ծրագրին: Համագործակցությունը ներառում է երկու հիմնական նախագիծ՝ կալվածքի շինություններից մեկի վերականգնում  և UWC Dilijan-ի ու Դիլիջանի դպրոցների ուսանողների համար տասը տարվա ընթացքում Դամֆրիս Հաուսի կրթական ծրագրերին մասնակցելու հնարավորության ստեղծում։

Ծրագրի մասին

«Դիլիջան» մասնաշենքը Դամֆրիս Հաուս ուսումնական կենտրոնում 

Դամֆրիս Հաուսի հնամենի կալվածքի վերականգնման (ռեստավրացիայի) նախագիծը Նորին Արքայական Մեծություն Ուելսի արքայազնի անձնական հովանու ներքո է գտնվում:  Ճարտարապետական այս հուշարձանը ծրագրի շրջանակում ոչ միայն վերականգնվել է, այլև վերածվել ուսումնական կենտրոնի: Scholae Mundi հիմնադրամը կարևոր է համարում աջակցել աշխարհում կրթական նախագծերի զարգացմանը և կապեր հաստատել ուսումնական տարբեր կենտրոնների միջև, որպեսզի այլ երկրների ուսանողներին հնարավորություն ընձեռի  ստանալ գլոբալ, բազմակողմանի կրթություն և արդեն պատանեկան տարիներից անձնական կապեր հաստատել:

Դամֆրիս Հաուսի և Scholae Mundi-ի բարեգործական հիմնադրամի միջև հաստատված համագործակցության շրջանակներում միջոցներ էին հատկացվել Դամֆրիս Հաուսի կալվածքներից մեկի շինության վերականգնման համար, որը ստացել էր «Դիլիջան» անվանումը՝ ի նշան Հայաստանի UWC Dilijan College-ին աջակցության: Շենքն ունի 16 սենյակ, որտեղ կանգ են առնում կալվածքի հյուրերը: Յուրաքանչյուր սենյակ կրում է Scholae Mundi-ի՝ նախագծին մասնակցած դոնորներից մեկի անունը:

Նախագծի արժեքը 2,2 միլիոն դոլար է:

Դամֆրիս Հաուսում UWC Dilijan College-ի ուսանողների կրթական ծրագրերը

Դամֆրիս Հաուսի ևScholae Mundi բարեգործական հիմնադրամի միջև հաստատված համագործակցության շրջանակներում Դամֆրիս Հաուս կրթական կենտրոնը հնարավորություն է ընձեռումUWC Dilijan College-ի և հայկական այլ դպրոցների սովորողներին տասը տարվա ընթացքում տարին մեկ անգամ մասնակցել կենտրոնի կազմակերպած կրթական դասընթացներին:

Դամֆրիս Հաուս

Շոտլանդիայի հարավ-արևմուտքում գտնվող Դամֆրիս Հաուս հնամենի կալվածքը կառուցված է հանրաճանաչ ճարտարապետ Ռոբերտ Ադամի և նրա եղբայրների կողմից ու իրավունք ունի հպարտանալ անգլիական ռոկոկոյի շրջանի կահույքի անգերազանցելի իր հավաքածուով, որում ընդգրկված են Թոմաս Չիպենդեյլի, Ալեքսանդր Պետերի, Ֆրենսիս Բրոդիի և Ուիլյամ Մետիի աշխատանքները: Կառուցված լինելով 1754-1759 թվականներին, Դեմֆրիսի հինգերորդ կոմս Ուիլյամ Դալրիմպլայի համար, կալվածքն իրենից ներկայացնում է 18-րդ դարից մեզ հասած «ժամանակի պատիճ», այլ կերպ ասած՝ հաջորդ սերունդներին փոխանցված ուղերձ. 250 տարիների ընթացքում հիմնական սենյակներն ու դրանց դասավորությունը գործնականում անփոփոխ է մնացել:

Ռոբերտ Բըրնսի ծննդավայրում՝ Էյրշիր կոմսությունում տեղակայված Դամֆրիս Հաուսն ունի բանաստեղծական ու ռոմանտիկ պատմություն: Կոմս Դամֆրիսը տունը կահավորում է շքեղ կահույքով ու զարդարում արվեստի գործերով, որպեսզի իրենց գեղեցիկ  բներով էրիկ թռչուններին գրավող մարիների պես՝ ինքն էլ համապատասխան կին գտնի: 1792 թվականին նա ամուսնանում է Էնն Դաֆֆի հետ:

Այդ ժամանակից ի վեր Դամֆրիս Հաուսը դառնում է մասնավոր տուն: Ինչպես յուրաքանչյուր այլ տանը, այստեղ ապրել են իրենց կացարանը սիրող ընտանիքներ: Այսօր Դամֆրիս Հաուսը բաց է այցելուների առաջ: Նրանք, ովքեր անտարբեր չեն Մեծ Բրիտանիայի մշակույթի ու ճարտարապետության հանդեպ, կարող են այցելել կալվածք ու ծանոթանալ նրա 250-ամյա պատմությանը, տեսնել հյուրասենյակների, ճաշասենյակների ու ննջարանների շքեղ դասավորությունը, իրենց համար բացահայտել բնակիչների կյանքի ինտրիգային դետալները, ինչպիսին է ադամանդե մատանիով լուսամուտի ապակու վրա քերծած սիրո խոստովանությունը կամ գաղտնի դուռը՝ գոբելեններից մեկի ետևում, և հնարավոր է անգամ հանդիպել ուրվականի, առանց որի «անհնար է» պատկերացնել դարավոր կալվածքները։

Լրացուցիչ տեղեկությունների համար կարող եք կապվել մեզ հետ Ձեզ առավել հարմար տարբերակով

https://dumfries-house.org.uk/

այլ ծրագրեր